Freek Vermaak se aangrypende lewensverhaal het aan hom die platform gebied om al vir 23 jaar ‘n inspirasie te wees vir baie. Dit bemoedig oud en jonk in tronke, skole, kolleges, universiteite, rehabilitasie sentrums, sport spanne, kerke en besighede met ‘n kragtige boodskap van hoop! Dis Coach Freek se passie om die "Underdogs" in die lewe af te rig om "Topdogs" te word.

 

Freek het groot geword saam albei sy ouers in van die armste gebiede aan die Wesrand van Gauteng, Suid-Afrika.  As kind, was sy pa sy held en sy beste vriend. Sy pa was ‘n ambagswerker en het min geld verdien. Freek màg dalk een van die armste kinders in die skool gewees het, maar hy was ryk aan liefde en omgee van sy ouers se kant af. Met die aanvangs van sy rugby loopbaan, was hy deur baie bestempel as opkomende Springbok rugby speler.  Hierdie het egter nie gerealiseer nie, as gevolg van die slegte besluite wat hy in sy lewe geneem het.

 

Na skool het Freek by die Suid-Afrikaanse polisie aangesluit, waar hy baie ondervinding opgedoen het in die kriminele wêreld, bende bedrywighede en dwelms. Hy het in Johannesburg as polisieman vir ‘n paar jaar gewerk, waarna hy aan die anderkant van die gereg gekom het toe hy self by georganiseerde kriminele bedrywighede betrokke geraak het.  Hy was onder andere verslaaf aan alkohol en kokaïne.  As gevolg van sy kriminele leefstyl en verslawing, het hy in baie moeilikheid beland.  Freek het een aand op sy knieë gegaan en tot God om hulp geroep; waarna God se genade op hom, sy hele lewensverhaal herskryf het.  God kon vir Freek ‘n boodskap gee; vol hoop, uit sy wanhoop.

 

Freek is getroud met Hannah en hy is die pa van vier seun en ‘n dogter Freek en sy gesin woon in George in die Suid Kaap.

​

Freek was vir oor die 10 jaar die vervaadiger en aanbieder van sy eie TV Program op die Kruiskyk TV Kanaal. Freek het toe hy begin uitsaai op Kruiskyk na 'n naam gesoek vir sy program. Hy het ervaar die program moet gaan oor 'n lewe van oorwinning in Christus. Die Beknopte Afrikaanse Verklarende Woordeboek het toe net een woord vir oorwin gegee; "Baasraak!" Freek se van is nie verniet, Vermaak nie. Hy is passievol om vermaak aan mense te verskaf wat hulle verfris en geestelik, liggaamlik en emosioneel opbou en versterk. Dit is Freek se doelwit in die lewe om sy gawes en talente te gebruik om God te verheerlik en om mense aan die Here Jesus Christus voor te stel. Freek is tans die aanbieder en vervaardiger van die 'Baasraak saam Coach Freek' Potgooi program. Op die program gesels hy met mede baasraakers oor hoe hulle, hul omstandighede, uitdagings, probleme en terugslae in hulle lewe baas geraak het deur God se genade.